Ongi etorri!!

Kaixo ikasle;

Blog hau egiterakoan zuk izan ditzakezun zalantzak argitzen joateko bide berri bat irekitzea izan dugu buruan.

Ikasketen inguruko erabakia hartzea ez da erraza eta hausnarketarako momentuak eskatzen ditu. Egin beharreko ibilbidea da eta ondo pentsatu behar da , erabaki garratzitsua baita.

Erabaki hartze prozesu honetan gure laguntza jasoko duzu, helburu horrekin prestatu dugu orientazio programa institutuan eta bloga bera ere; baina,  erabakia zurea izango da (hala izan behar da), eta lan pertsonala eskatuko dizu, ez dizugu esango zer ikasi behar duzun.

 

Prozesu honetan hainbat puntu aztertzea gomendatzen dizugu, hala nola, zeintzuk diran zure interesak, ze lan mota duzun atsegin, zure gaitasunak, zure baloreak  zeintzuk diren, lan merkatua  aztertu beharko duzu, zer informazio beharko duzun eta nola lor dezakezun… Lan pertsonala eskatuko dizu, hau da,  hainbat baliabide erabili, informazioa arakatu, irakurri, hausnartu, galdetu, ingurukoei laguntza eskatu zure zalantzak argitzen joateko (familiari, lagunei, tutoreari, irakasleei eta noski, orientatzaileari)

Gure asmoa bloga sortzerakoan, bide hau erraztea izan da, baliabide garrantzitsu bat eskainiz. Blogean zuen orientaziorako interesgarriak diren berriak publikatzen ditugu: unibertsitateko sarbideari buruzkoak, lanbide heziketako sarbideari buruzkoak, lana eta irtenbide laboralei buruzkoak, … Informazio ugari kokatu dugu, dagozkien estekekin,  klik batetaz zuri interesatzen zaizun gaia modu errezean  aztertu dezazun.

Zure interesei buruz, baloreei buruz hausnartzeko,…, laguntza behar baduzu  blogean dagoen atala erabili dezakezu (“erabakitzen laguntza” atala, goiko barran dagoena).

Guzti honetaz gain, badakigunez askotan ez dela erraza momento bat ateratzea orientatzailearengana hurbiltzeko, gure harremanetarako posta elektronikoa erabil dezakezu, zuk galdera egin eta  erantzungo dizut. Iruzkinak ere egin ditzakezu, berriren bat komentatuz, eta horrela iritziak partekatuz denok aberaztuko gara.

Gustokoa izango duzulakoan,

Ongi etorri Orientazio Blogera.