Zig Gelako ikasleen bloga

Aurten, II topaketa Arrasaten izan da , Arizmendi ikastolako ZiGekoek antolatuta.

Bertan Elgoibar, Oñati, Bergara eta Arrasateko ZiGetako ikasle eta irakasleak elkartu gara, 40 lagun inguru denetara.

Eguraldiak asko lagundu ez badu ere, goiza zoragarria izan da. Gure ikaslea Oierrek azalduko du zer egin dugun eta zer suposatzen duen horrelako topaketa bat beraientzat.

Bederatzirak eta erdietan Zig gelako guztiak plazan elkartu ginen. Han taldeko argazkia atera ziguten eta Martinek eta Beñatek Aurreskua dantzatu zuten. Hortik Goienako estudiora joan ginen. Goienan, egunkaria, telebista eta irratia nola egiten diren esplikatu ziguten. Kasualitatez, Down Sindromea duten personen Nazioarteko Eguna zenez, Asier Osinaga, gure gelako irakaslea irratian bertan entrebistatu zuten. Gero Udaletxera joan ginen. Han Herensugearen kondaira kontatu ziguten. Gero Arrasateko Alde Zaharra erakusi ziguten. Bukatzeko Gazte Txokora luntxa jatera joan ginen. Bertan futbolinean eta pin-ponean aritu ginen.

Oso egun ona pasa genuen. Horrelako topaketetan lagun berriak egin eta lagun ezagunak ikusten ditugu.

Datorren urteko Zig geletako topaketa heltzeko desiatzen gaude. Laister arte lagunak.

Bideoa ikusi nahi baduzu klik egin.

Askotan erosketak egitera joaten gara, Mikelek kontatuko digu nola egiten ditugun:

Irakasleentzako pintxoak egin behar ditugu eta eroskira joan gara erosketak egitera. Erosketa guztiak denon artean banatzen ditugu. Paper batean idatzita eramaten dugu  ze gauzak  hartu behar ditugun. Bakarrik egin behar dugu , eta ezin badugu aurkitu, beste bateri laguntza eskatzen diogu. Gero denak  kajara joaten gara. Han ordaintzen dugu. Gelara joaten garenean gauza  guztiak bere lekuan  gorde behar ditugu, frigorifikoan edo armarioan.

Argazki gehiago ikusi nahi baduzu klik egin.

Gaur txikien eskola bisitatu dugu. Ixiarrek azalduko du bisita honen nondik norakoa.

  Gaur Bedoñabera Olentzerontzako egin ditugun  eskutitzak  zertarako egin ditugun eta zenbat balio duten esplikatzera joan gara. Josune Etxabe zuzendariarekin hizketan egon gara eta hamaiketakoa goxo goxoa  eman digu. Guk egindako lana asko gustatu zaio. Gero umeei bisita bat egitera joan gara geletara, umeek gure gelako Nereari Zorionak  Zuri abestu diote gaur bere urtebetzetzea delako.

Argazki gehiago ikusteko klik egin.

  Ekainari ongi etorria ematearekin batera, Hondarribia aldera abiatu ginen bi egun pasatzera. Esperientzia ederra izan da. Lehen egunean protagonista euria izan zenez  zinemara joan ginen piraten filme erakargarri bat ikustera. Bigarren eguna eguzkitsu esnatu zen eta beraz, ezin aukera galdu !!!!! Txalupa hartu eta Endaiara joan ginen bertako ondartzara. Ur hotza ez zen oztopo izan eta gure ikasleak, bainu freskagarri bat hartu zuten.

Hala ere, bi egun hauetako momenturik alai eta martxosoena afalosteko disko – festa izan zen. Desenfreno moment ikaragarriak ikusi ahal izan genituen irakasleok;  dantza, koreografia edota mugimendu sexiak ikusi genituen.

Azken finean, kurtsoari agur esan beharko diogu laster batean eta Hondarribian pasa ditugun egunak agurtzeko tresna aproposak dira. Bai horixe !!!!

Lan orientabidea eta lan mundua lantze aldera, Arrasateko Import Arrasatera egin dugu bisita. Motibazioa eta jakinmina gako bezala erabiliz, ASTORE edota TERNUA bezalako marken ekoizpena ezagutzeko aukera izan dugu. Ikasleak oso gustora ibili dira lantegiak dituen atal ezberdinak ikusten; horrela, showroon delakoa ezagutzeko aukera izan dute. Ingeleseko hitz honek erakuslekua esan nahi du geure hizkuntzan. Bertan datorren denboraldiko produktuak erakusten dituzte…..guretzat primizia bat. Bulegoak eta  biltegia ezagutzeko aukera ere izan dugu eta bide batez, lantegi berean dauden lan ezberdinak.

Bisitaldiari amaiera emateko argazki dotore bat atera dugu eta Usabiaga eskalatzaileak dedikatutako poster batekin pozik bueltatu gara eskolara.  Gaur kirolzale amorratuak sentitzen gara….ze arraio !!!!!

Argazki gehiago ikusi nahi baduzu klik egin.

Debagoieneko gelen topaketa arrakastatsu bat egin genuen Oñatin.

Harremanak sendotuz
Apirilaren 13ko topaketarekin elkarren arteko harremanak sendotzea bilatzen zen. “Gehienek arazoak izaten dituzte beste pertsona batzuekin harremanak izateko: lotsak, beldurrak… Gaurko topaketa oso onuragarria izan da haientzat. Antzerako kezkak eta beldurrak dituzten pertsonak ezagutzeko aukera izan dute, eta horrek asko lagunduko die”, kontatu zigun Arrasateko ZIG gelako irakasle Asier Osinagak.

16 eta 20 urte bitarteko 24 gaztek hartu zuten parte topaketan. 10:00etan zuten hitzordua; unibertsitate ondoko geltokian. Handik unibertsitatera joan ziren kalejiran, eta txistularien doinuek animatuta, aurreskua dantzatzera ere animatu ziren Martin Etxabe eta Beñat Barrutia. Unibertsitatea eta Parrokia bisitatu ostean hamaiketakoa egin zuten. Ondoren ikasleek euren artean hobeto ezagutzeko denbora librea izan zuten. “Oñatiko plaza inguruan euren kasara ibiltzeko denbora izaten dute, euren gauzen inguruan hitz egin eta elkar ezagutzeko”.

Aurtengo topaketaren arrakasta ikusita, Bergara edota Arrasateko beste  ZIG gelakoak prest daude hurrengoa  antolatzeko.

Bideoa ikusi nahi baduzu klik egin.

Martxoari agur esateko Eskoriatzako herrira egin genuen irteera. Gure ikasle batzuk Ezeiza eskolan egin zituzten lehen bihurrikeriak; horrela, lehen bisita oroitzapenak ekartzen dizkieten eskolako gela eta antzerakotara hurbiltzea izan zen. Jarraian Ibarraundi museoa bisitatu genuen; bertako arduradunaren azalpenak entzuten adi- adi izan ziren gure gaztetxoak. 

Argazki gehiago ikusi nahi baduzu klik egin.

Txango ederra egin dugu Arabako hiriburura. Bertako kale estuetatik galdu gara aintzinako erdi aroaren bila edota artisau ezberdinen lanbide adoretsuen bila. Hiritutako herriak eskaintzen duen haize hotz negutiarrarekin bat eginez ikusi ditugu Amabirgin Zuriak zaintzen duen Zeledon nekazariaren ibilbidea eta Foruen plazak abesten duen euskal herri kirolen ohiu izerditua.

Korte Ingelesak ere badu bere xarma good morning people !!!!!! Haren solairu aldrebesetan opariren bat aurkitzeko ahaleginean izan ziren ZIGista erosle sutsuak. CD erromantiko eta martxosoak, aldizkari larroxak edota sanba txapelak ibili ziren dantzan Pesa autobus/ kontsultorio inprobisatuan.

Irribarre bat, besarkada bat eta hurrengo txango bat arte….agur.