Eka
28
2011
0
Eka
28
2011
0

BUKATU DA IKASTURTEA

ZIG gelako ikasleok agur esan diogu 2010- 2011 ikasturteari. Ikasturte ederra, alaia eta emankorra izan dela esan daiteke. Sexu tailerraren bitartez, guretzat horren aldrebesa eta misteriotsua den mundua ezagutzeko aukera izan dugu; ezin ahaztu ikaskide ezberdinek egin dituzten komentario xelebreak. Eta gainera, tailerretan lan dotoreak burutu ditugu; hala nola, gela oso bat eta saskibaloi kantxa margotu, bizkotxo eta pintxo goxoak ekoiztu…baina trabaren bat jartzekotan goiko eraikuntzako landaretza proiektuari jarriko nion….benetan…..Jardines Eliseos de Musakola.

Ezin ahaztu ekainean gela utziko duten bi lagunak. Xabik gaupasak egiten ikasi duenetik…..bihurri xamar dabil aspaldian…. eta Maialenenen erremangoa ere, botako dugu faltan gelan.

Aurreskuak, pressing catch delakoak edota bestelako kontu aberatsek apaindu dute ikasturtea….beti ere, hiru sargentoen gidaritzapean. Sargentu ulerkorrak izan direla esan beharko dut bestela ez baitigute lau hitz hauek argitaratzen utziko, je, je.

Azken astean gela goitik behera txukundu eta gero, merezitako meriendatxoa izan dugu. Bajo en calorias y rico en vitaminas….si señora. Disssssssskoooooo.

  

Bukatzeko Hondarribiko esperientzia komentatu nahiko nuke. Desenfrenoa, turismoa, gastronomia eta umore ona nagusi izan ziren. Lurdesek dioenez hurrengo urtean Tenerifera goazzzzzzz.

Beste barik, ZIG gelako ikasleok elkar zoriondu nahi dugu izan dugun ikasturte ederrarengatik. Datorren ikasturterarte ondo pasa oporrak.ZIGelako ikasleak.

Gela txukuntzen argazkiak ikusi nahi baduzu klik egin.

Meriendatxoaren argazkiak ikusi nahi baduzu klik egin.

Written by ziggelakobloga in: 2010-11 IKASTURTEA,Ikasturte amaiera eta hasiera |
Eka
06
2011
0

HONDARRIBIAN TURISTAK

 

 

  Ekainari ongi etorria ematearekin batera, Hondarribia aldera abiatu ginen bi egun pasatzera. Esperientzia ederra izan da. Lehen egunean protagonista euria izan zenez  zinemara joan ginen piraten filme erakargarri bat ikustera. Bigarren eguna eguzkitsu esnatu zen eta beraz, ezin aukera galdu !!!!! Txalupa hartu eta Endaiara joan ginen bertako ondartzara. Ur hotza ez zen oztopo izan eta gure ikasleak, bainu freskagarri bat hartu zuten.

Hala ere, bi egun hauetako momenturik alai eta martxosoena afalosteko disko – festa izan zen. Desenfreno moment ikaragarriak ikusi ahal izan genituen irakasleok;  dantza, koreografia edota mugimendu sexiak ikusi genituen.

Azken finean, kurtsoari agur esan beharko diogu laster batean eta Hondarribian pasa ditugun egunak agurtzeko tresna aproposak dira. Bai horixe !!!!

Written by ziggelakobloga in: 2010-11 IKASTURTEA,Irteerak |
maiatza
27
2011
0

IMPORT ARRASATERA BISITA

Lan orientabidea eta lan mundua lantze aldera, Arrasateko Import Arrasatera egin dugu bisita. Motibazioa eta jakinmina gako bezala erabiliz, ASTORE edota TERNUA bezalako marken ekoizpena ezagutzeko aukera izan dugu. Ikasleak oso gustora ibili dira lantegiak dituen atal ezberdinak ikusten; horrela, showroon delakoa ezagutzeko aukera izan dute. Ingeleseko hitz honek erakuslekua esan nahi du geure hizkuntzan. Bertan datorren denboraldiko produktuak erakusten dituzte…..guretzat primizia bat. Bulegoak eta  biltegia ezagutzeko aukera ere izan dugu eta bide batez, lantegi berean dauden lan ezberdinak.

Bisitaldiari amaiera emateko argazki dotore bat atera dugu eta Usabiaga eskalatzaileak dedikatutako poster batekin pozik bueltatu gara eskolara.  Gaur kirolzale amorratuak sentitzen gara….ze arraio !!!!!

Argazki gehiago ikusi nahi baduzu klik egin.

Written by ziggelakobloga in: 2010-11 IKASTURTEA,Irteerak |
maiatza
02
2011
0

DEBAGOIENEKO GELEN TOPAKETA

Debagoieneko gelen topaketa arrakastatsu bat egin genuen Oñatin.

Harremanak sendotuz
Apirilaren 13ko topaketarekin elkarren arteko harremanak sendotzea bilatzen zen. “Gehienek arazoak izaten dituzte beste pertsona batzuekin harremanak izateko: lotsak, beldurrak… Gaurko topaketa oso onuragarria izan da haientzat. Antzerako kezkak eta beldurrak dituzten pertsonak ezagutzeko aukera izan dute, eta horrek asko lagunduko die”, kontatu zigun Arrasateko ZIG gelako irakasle Asier Osinagak.

16 eta 20 urte bitarteko 24 gaztek hartu zuten parte topaketan. 10:00etan zuten hitzordua; unibertsitate ondoko geltokian. Handik unibertsitatera joan ziren kalejiran, eta txistularien doinuek animatuta, aurreskua dantzatzera ere animatu ziren Martin Etxabe eta Beñat Barrutia. Unibertsitatea eta Parrokia bisitatu ostean hamaiketakoa egin zuten. Ondoren ikasleek euren artean hobeto ezagutzeko denbora librea izan zuten. “Oñatiko plaza inguruan euren kasara ibiltzeko denbora izaten dute, euren gauzen inguruan hitz egin eta elkar ezagutzeko”.

Aurtengo topaketaren arrakasta ikusita, Bergara edota Arrasateko beste  ZIG gelakoak prest daude hurrengoa  antolatzeko.

Bideoa ikusi nahi baduzu klik egin.

Written by ziggelakobloga in: 2010-11 IKASTURTEA,Irteerak |
Api
14
2011
0

ESKORIATZARA IRTEERA

Martxoari agur esateko Eskoriatzako herrira egin genuen irteera. Gure ikasle batzuk Ezeiza eskolan egin zituzten lehen bihurrikeriak; horrela, lehen bisita oroitzapenak ekartzen dizkieten eskolako gela eta antzerakotara hurbiltzea izan zen. Jarraian Ibarraundi museoa bisitatu genuen; bertako arduradunaren azalpenak entzuten adi- adi izan ziren gure gaztetxoak.

 

 

Argazki gehiago ikusi nahi baduzu klik egin.

Written by ziggelakobloga in: 2010-11 IKASTURTEA,Irteerak |
Mar
02
2011
0

GASTEIZ GEURE OINETARA……OINETAN

Txango ederra egin dugu Arabako hiriburura. Bertako kale estuetatik galdu gara aintzinako erdi aroaren bila edota artisau ezberdinen lanbide adoretsuen bila. Hiritutako herriak eskaintzen duen haize hotz negutiarrarekin bat eginez ikusi ditugu Amabirgin Zuriak zaintzen duen Zeledon nekazariaren ibilbidea eta Foruen plazak abesten duen euskal herri kirolen ohiu izerditua.

Korte Ingelesak ere badu bere xarma good morning people !!!!!! Haren solairu aldrebesetan opariren bat aurkitzeko ahaleginean izan ziren ZIGista erosle sutsuak. CD erromantiko eta martxosoak, aldizkari larroxak edota sanba txapelak ibili ziren dantzan Pesa autobus/ kontsultorio inprobisatuan.

Irribarre bat, besarkada bat eta hurrengo txango bat arte….agur.  

Written by ziggelakobloga in: 2010-11 IKASTURTEA,Irteerak |
Mar
02
2011
0

GOIKO ERAIKUNTZAN LAN EZBERDINAK

  

Eskolak baditu premia ezberdinak eta hauek asetze aldera, goiko eraikuntzan lan ezberdinak burutzen aritu da ZIG gela. Alde batetik, kanpoko aldean sotorako sarrera txukuntzen aritu gara; egoera zakarrean zegoenez  bazterrak txukundu eta inguruko hormak margotu ditugu. Gainera, horren irekia geldi ez dadin, plastikozko oihal handi bat jarri dugu atean. Ez da erraza izan baina pazientzia eta ganora handiz jardun ostean, emaitzarekin gustora gaude.

Bestetik, Gurasoen Gela delakoa itxuraldatu dugu. Urteen poderioz hormek zulo eta pitzadura ezberdinak zituzten eta gainera margo kapatxo baten premia ere bazuten. Bertan dauden altzariek ere, repasotxo bat izan dute; mahai eta radiadoreak  margotu eta lijatu ditugu. Aurrerantzean bertan burutuko diren bilerek beste esentzia bat izango dituzte, ziur.

  

Sotanoko argazki gehiago ikusi nahi baduzu klik egin.

Guraso gelako argazki gehiago ikusi nahi baduzu klik egin.

Written by ziggelakobloga in: 2010-11 IKASTURTEA,Mantenimendu lanak |
Ots
08
2011
0

Sexologia tailerra

Arrasateko udaleko sexologia zerbitzuaren eskutik tailer oparoa dastatzeko aukera izan dute ikasleek. Ikasleek sexuaren inguruan dituzten kezka, ardura eta bizipenak landu dituzte; udalak eskaintzen duen zerbitzu hau adin guztietako pertsonei zuzendurik dago. Sexu edo sexualitatearen inguruko edozein kuriositate nahiz kezka asetzeko gune bat eta bere xede nagusia sexualitatearen inguruko informazioa eta ahulkularitza eskaintzea da. Gure ikasleen ustetan ikastaro ederra izan da eta bertan ikasitakoa baliagarria izango zaie aurrerantzean.

Written by ziggelakobloga in: 2010-11 IKASTURTEA,Hitzaldiak- Ikastaroak |
Urt
13
2011
0

BAZTERRAK EDERKI TXUKUNTZEN

Beheko eraikinean badago inork gutxik begiratzen duen lekutxo bat; askotan katu galduren batek ezkutatzeko erabiltzen ohi du eta bestetan belar zakarrenen gotorleku bihurtzen da. Horrela, leku honi itxura aldaketa bat zor geniola erabaki zuten ZIG gelako bi damak. Eta…….pi….pa……Proiektu txiki bat diseinatu genuen.

Helburua zehaztu, prozedurak denboran sailkatu, materiala zerrendatu eta ardurak banatu……

Argazkitan hasierako egoera tamalgarria eta lanaren momentu bat ikusteaz gain, egindako lan guztiaren emaitza ere ikus daiteke.

Written by ziggelakobloga in: 2010-11 IKASTURTEA,loragintza |

Powered by WordPress | Aeros Theme | TheBuckmaker.com WordPress Themes